Zachop zakładnikaŭ u supiermarkiecie ŭ Francyi: napadnika zabili
Złamyśnik, jaki zachapiŭ zakładnikaŭ u supiermarkiecie ŭ francuzskim nasielenym punkcie Treb, zabity.
Francuzskaje telebačańnie paviedamlaje pra dvuch zahinułych i dvuch paranienych, taksama pastupała infarmacyja ab adnym paranienym palicejskim.
Raniej paviedamlałasia, što ŭ supiermarkiecie na poŭdni Francyi adbyłasia stralanina, nieviadomy zachapiŭ zakładnikaŭ.
U MUS Francyi zajavili, što prachodzić palicejskaja apieracyja, havorka idzie pra terakt.
Pa dadzienych francuzskich ŚMI, pierad napadam na supiermarkiet uzbrojeny mužčyna z aŭtamabila adkryŭ ohnoń pa palicejskich u Karkasonie, paraniŭšy adnaho pravaachoŭnika. Potym złamyśnik uvarvaŭsia ŭ supiermarkiet, u jakim zachapiŭ zakładnikaŭ.
Złamyśnik ŭžo abviaściŭ ab svajoj datyčnaści da terarystyčnaj hrupoŭki «Isłamskaja dziaržava».
