Stała viadoma, chto budzie viadučymi na Dzień Voli FOTY
Arhanizatary «Śviata niezaležnaści», jakoje adbudziecca 25 sakavika la Opiernaha teatra, abvieścili kančatkovuju prahramu mierapryjemstva.
Siarod inšaha taksama byli nazvanyja imiony viadučych imprezy.
Uračystuju častku z začytvańniem Treciaj ustaŭnoj hramaty BNR, ź vitalnymi vystupami zaprošanych haściej praviaduć narodnaja artystka Biełarusi, televizijny dyktar Zinaida Bandarenka, a taksama paet, šoumen, viadučy, tamada Usievaład Ścieburaka.
Zinaida Bandarenka. Fota Svaboda.org.
Usievaład Ścieburaka. Fota z sacsietak.
Viadučymi muzyčnaj častki stanuć akciory «Svabodnaha teatra»: dramaturh, režysior, śpiavačka Julija Šaŭčuk i supracoŭnik «Art-Siadziby» Alaksiej Saprykin.
Julija Šaŭčuk i Alaksiej Saprykin. Fota facebook.com.
«Śviata Niezaležnaści» budzie prachodzić ad 13 da 19 hadziny ŭ niadzielu 25 sakavika.
