Eadaily: Chaj by 100-hodździe BNR adznačałasia, kali b adznačałasia i viartańnie biełaruskich ziemlaŭ z Rečy Paspalitaj u Rasiju
Čarhovym artykułam, pryśviečanamu 100-hodździu BNR, razradziłasia rasijskaje ahienctva Eadaily, viadomaje svaimi čarnasocienskimi pohladami. Prakamientavać śviatkavańnia Dnia Voli jany zaprasili rasijskich ekśpiertaŭ, jakija śpiecyjalizujucca ŭ Biełarusi.
Heta takija ekśpierty, jakija nie viedajuć biełaruskaj movy, a ŭ našaj krainie byli jašče za carom Harocham, adnak z važnym vyhladam jany kamientujuć tyja, ci inšyja padziei.
Naprykład, na hety razy «ekśpierty» pradrakajuć «raskoł u biełaruskim hramadstvie». Viadučy navukovy supracoŭnik Rasijskaha instytuta stratehičnych daśledavańniaŭ Aleh Niemienski naharadziŭ takoha: «Zadača prezidenta — być pradstaŭnikom ŭsich biełarusaŭ, a nie tolki prarasiejskaj bolšaści. Tamu jon imkniecca pryciahnuć na svoj bok prazachodnija nacyjanalistyčnyja siły. Adnak dadzienaje pasłableńnie niebiaśpiečna dla ciapierašniaj biełaruskaj dziaržaŭnaści, jak i ŭsie napramki hetaj palityki. Bo z punktu hledžańnia ideałohii BNR, sučasnaja biełaruskaja dziaržaŭnaść, jak spadčyńnica savieckaj, źjaŭlajecca niezakonnaj, pakolki pierajšła ŭ spadčynu akupacyjnamu režymu».
Prezident Instytuta nacyjanalnaj stratehii Michaił Remizaŭ jašče bolš radykalny:
«Kali ž kazać pra pazicyju aficyjnych uładaŭ, to da ich nie było b nijakich pytańniaŭ, kali b usio dazvalałasia ŭsim, kali b nie było kryminalnych pracesaŭ u dačynieńni da prarasiejskich publicystaŭ, kali b aktyŭna dziejničali hramadskija arhanizacyi ŭ halinie palityki pamiaci, hetak ža pyšna adznačalisia b hadaviny, źviazanyja z uźjadnańniem histaryčnaj Rasiei, kali biełaruskija ziemli viarnulisia sa składu Rečy Paspalitaj u skład Rasijskaj Impieryi».
