Jeŭrasajuz robić vaj-faj-internet biaspłatnym na ŭsioj terytoryi
Jeŭrakamisija vyrašyła zabiaśpiečyć hramadzianam dostup da biaspłatnaha internetu na ŭsioj terytoryi ES, a taksama ŭ Narviehii i Isłandyi, paviedamlaje euronews.com. Na pieršym etapie pieradatčykami wifi-sihnału buduć abstalavany płoščy, parki i inšyja hramadskija miescy ŭ 1000 nasielenych punktaŭ, kožny ź jakich zmoža atrymać na heta ź biudžetu Jeŭrasajuza 15.000 jeŭra.
«My nie budziem dublavać užo isnujučyja słužby i ciahnuć internet tudy, dzie jon užo jość, — skazała kamisar pa ličbavaj ekanomicy Maryja Habryel. — Ale my chočam padłučyć da jaho ŭsiu Jeŭropu, ad čaho vyjhraje kožny rehijon i kožny hramadzianin».
Na ažyćciaŭleńnie prahramy «Adzinaja sietka dla Jeŭropy» za dva hady z ahulnaha biudžetu budzie vydzielena 120 młn jeŭra. Jaje hałoŭnyja zadačy — abarona intaresaŭ spažyŭcoŭ, zaachvočvańnie samaadukacyi i hramadskaj aktyŭnaści. Miascovyja ŭłady, jakija chutka padaduć zajaŭku na finansavańnie ŭ ramkach hetaj prahramy, zmohuć ustalavać wifi-pieradatčyki ŭžo ŭ mai. Z hetaj prapanovaj Brusiel maje namier źviarnucca da ich jašče 4 razy da 2020 hoda.
