Hadzińnik Apple Watch nočču samastojna pazvaniŭ u 911, i amierykaniec pračnuŭsia ŭ akružeńni palicejskich
Karystalnik Twitter Džejsan Roŭli napisaŭ, što 16 sakavika pračnuŭsia z-za troch palicejskich, jakija ŭvarvalisia ŭ jahonuju spalniu. Amierykaniec spaŭ z Apple Watch na ruce i vypadkova aktyvavaŭ režym SOS ŭ śnie. Pra hety i inšyja vypadki advolnaha vykliku ekstranych słužbaŭ piša The Verge.
«Publičnaja abjava: kali vy śpicie z Apple Watch, padumajcie ab adklučeńni funkcyi vykliku SOS, abo taksama pračniaciesia ŭ hadzinu načy z tryma palicyjantami ŭ vašaj spalni», — napisaŭ Roŭli.
U razmovie z vydańniem The Verge jon adznačyŭ, što palicejskija byli vietlivyja i spakojnyja, bo, pavodle ich słoŭ, užo pryvykli da niesapraŭdnych vyklikaŭ z Apple Watch.
Miarkujučy pa inšych skarhach, padobnaja prablema zdarajecca i va ŭładalnikaŭ iPhone, jakija taksama mohuć aktyvavać režym ekstranaha vykliku. U abodvuch vypadkach sistema pačynaje zvarotny adlik piaci siekund, jaki supravadžajecca sirenaj, paśla čaho pačynaje nabor 911 i adsyłaje paviedamleńni siabram ci svajakam pra toje, što čałaviek u biadzie.
Funkcyju ekstranaha vykliku SOS sapraŭdy možna aktyvavać, kali nacisnuć i ŭtrymlivać knopku ŭklučeńnia. Nočču ž zrabić heta možna vypadkova. Funkcyja adklučajecca ŭ naładach.
