Rasijski nacyjanalist Dacyk atrymaŭ 3,5 hoda kałonii
Vasilevostraŭski rajonny sud Sankt-Pieciarburha abviaścili prysud u dačynieńni da Viačasłava Dacyka. Pra heta «Hazietie.Ru» paviedamili ŭ Abjadnanaj pres-słužbie sudoŭ Sankt-Pieciarburha.
Dacyk pryznany vinavatym u ździajśnieńni złačynstvaŭ, praduhledžanych č.2 art.139, p.a č.2 art.116, č.2 st.162 KK Rasii.
Sud pryznačyŭ jamu pakarańnie ŭ vyhladzie pazbaŭleńnia voli terminam na 3,5 hoda ŭ kałonii strohaha režymu.
Dacyk abvinavačvaŭsia pa kryminalnych artykułach u razboi, źbićci i praniknieńni u žyllo z pahrozaj hvałtu. Sprava słuchałasia kala dzieviaci miesiacaŭ.
Pa viersii śledstva, u mai 2016 hoda Dacyk pryjšoŭ u kvateru doma pa 11-j linii Vasiljeŭskaha vostrava, dzie atakavaŭ dzieviać čałaviek, vykarystoŭvajučy mietaličnuju pałku i pahražajučy hvałtam. Akramia taho, jon vykraŭ ź siejfa ŭ kvatery hrošy i zabraŭ telefon u adnoj z paciarpiełych. Taksama, pa materyjałach spravy, abvinavačvany vybiŭ dźviery ŭ adnym z pakojaŭ, prabraŭsia ŭ jaho i źbiŭ troch žančyn. Anałahičnyja dziejańni nacyjanalist u toj ža dzień ździejśniŭ i ŭ Pietrahradskim rajonie.
Dacyk ździejśniŭ pahromy ŭ prytonach dla zaniatkaŭ prastytucyjaj, dzie pahražaŭ dziaŭčatam z panižanaj sacyjalnaj adkaznaściu, jakich vyhnali na vulicu i pinkami hołymi pryvioŭ u adździełu milicyi.