U Biełarusi na vybarach prezidenta Rasii prahałasavali na 60% bolej čałaviek, čym 6 hadoŭ tamu
Kolkaść rasiejcaŭ, jakija ŭdzielničali ŭ hałasavańni na vybarach prezidenta Rasii na terytoryi Biełarusi u paraŭnańni z papiarednimi vybarami 2012 hodu prykmietna pavialičyłasia. Sioleta da skryniaŭ pryjšli bolej za 22 tysiačy, paviedamili Radyjo Svaboda ŭ ambasadzie Rasijskaj Fiederacyi. Šeść hadoŭ tamu prahałasavała 13,5 tysiačy čałaviek.
18 sakavika ŭ Biełarusi prahałasavała bolej za 19 tysiač hramadzian Rasii. Jašče 3 tysiačy prahałasavali daterminova. Najbolš aktyŭna hałasavali ŭ Miensku — zvyš 7 tysiač čałaviek. Bolš jak pa dźvie tysiačy vybarnikaŭ prahałasavali ŭ troch haradach — Breście, Viciebsku i Homieli.
Pavodle papiaredniaj infarmacyi, najbolšaja kolkaść rasijanaŭ, jakija hałasavali za miažoj, sioleta prypadaje na Biełaruś. 6 hadoŭ tamu lidaram była Ukraina.
Aficyjnaja statystyka i ŭ 2012 hodzie, i sioleta nazyvaje adnolkavuju kolkaść zarehistravanych hramadzian Rasii ŭ Biełarusi — «bolej za 100 tysiač čałaviek». Kankretnuju ličbu tut vyznačyć ciažka, bo stanavicca na konsulski ŭlik rasiejcam u Biełarusi nie abaviazkova.
Kolki hałasoŭ nabraŭ u Biełarusi kožny z kandydataŭ na pasadu prezydenta, nie paviedamlajecca.
