Stała viadoma, kolki płastyku traplaje ŭ arhanizm razam z butylavanaj vadoju
U siarednim vada z butelek źmiaščaje 325 mikračaścinak płastyku na adzin litr. Da takoje vysnovy pryjšli navukoŭcy z Univiersiteta štata Ńju-Jork, jakija apublikavali svaju pracu na orbmedia.org.
U svaim daśledavańni chimiki daśledavali 259 butelek vady ź dzieviaci krain Jeŭropy, Afryki, Azii, Paŭnočnaj i Paŭdniovaj Amieryki. Siarod adabranych asobnikaŭ byli i pradstaŭniki viadomych suśvietnych brendaŭ.
Chimičny analiz pakazaŭ, što z usich butelek tolki 17 nie ŭtrymlivali śladoŭ płastyku, u toj čas jak u astatnich było znojdziena ažno da dziesiaci tysiač čaścinak hetaha rečyva na litr. Siaredni ž atrymany pakazčyk — 325 mikračaścinak.
Bolšaść čaścinak akazałasia pamieram ad šaści da 100 mikramietraŭ, što pryblizna adpaviadaje taŭščyni čałaviečaha vołasa.
Pry hetym vialikuju dolu znojdzienych u vadzie płastykaŭ składaje poliprapilen, ź jakoha vyrablajucca zakrutki butelek.
PP — poliprapilen, Nylon — niejłon, PS — polistyroł, PE — polietylen, PEST — spałučeńnie składanaha poliefiru i polietylentereftałata, Others — inšyja rečyvy.