U Salihorskim rajonie ŭ łabavym sutyknieńni lehkavikoŭ zahinuli dva kiroŭcy
Dva čałavieki zahinuli ŭ DTZ u Salihorskim rajonie ŭ noč na 18 sakavika na 126-m km aŭtadarohi R-23 Minsk — Mikaševičy, piša BiełTA.
Avaryja adbyłasia kala 2.50. 25-hadovy žychar Salihorska na aŭtamabili «Mersedes-Benc Je430», ruchajučysia ź Minska, vyjechaŭ na sustrečnuju, dzie sutyknuŭsia z aŭtamabilem «Falksvahien-Holf», jakim kiravaŭ žychar Červienia 1970 hoda naradžeńnia. Apošni buksiravaŭ na hnutkaj sčepcy aŭtamabil «Mersedes-Benc-Vita», za rulom jakoha znachodziŭsia 57-hadovy mužčyna.
U vyniku aŭtamabil «Mersedes-Benc Je430» vykinuła ŭ pravy kiuviet, a «Falksvahien-Holf» i «Mersedes-Bienc-Vita» — u levy.
Na miescy avaryi zahinuli kiroŭcy «Mersedesa Je430» i «Falksvahiena». Kiroŭca «Mersedesa-Benc-Vita» i 26-hadovy pasažyr «Je430» z roznymi traŭmami špitalizavany.
