Jak vyhladali dziaržaŭnyja piačatki Biełaruskaj Narodnaj Respubliki FOTY
Vyjavy hałoŭnych atrybutaŭ i simvała paŭnamoctvaŭ Rady BNR, dziaržaŭnych piačatak Biełaruskaj Narodnaj Respubliki i štampa Kancylaryi Staršyni Rady BNR, źjavilisia na sajcie radabnr.org.
Piačatki byli stvoranyja pierad Druhoj suśvietnaj vajnoj, a samaja staraja — u 1918 hodzie ŭ Biełarusi. Ich zachoŭvaje Staršynia Rady BNR i pieradaje razam z paŭnamoctvami novaabranamu Staršyni pry zastupleńni na pasadu.
Staraja piačatka
Stvorana ŭ 1918 hodzie ŭ Biełarusi, źmiaščaje «Pahoniu» i nadpis «Rada Biełaruskaj Narodnaj Respubliki».
Novaja piačatka
Stvorana ŭ čas paŭnamoctvaŭ III Staršyni Rady BNR Piotry Krečeŭskaha, źmiaščaje «Pahoniu» i nadpis «Rada Biełaruskaj Narodnaj Respubliki» kirylicaj i łacinkaj.
Štamp Kancylaryi Staršyni Rady BNR
Vykarystoŭvaŭsia dla zaćviardžeńnia dakumientaŭ Kancylaryi. Jon byŭ stvorany ŭ 1930-ja hady ŭ čas znachodžańnia Rady BNR u Prazie, pry IV Staršyni Rady Vasilu Zacharku. Źmiaščaje nadpis «Kancylaryja Staršyni Rady Biełaruskaj Narodnaj Respubliki» na biełaruskaj i francuzskaj movach.
* * *
Fotazdymak piačatki Rady BNR, jakuju nasiŭ u kišeni Vacłaŭ Łastoŭski, apublikavany ŭ repartažy «NN»: