Biełčyhunka raspaviała ab prablemach u ruchu ciahnikoŭ u Minsku 15 sakavika
15 sakavika ŭ 16.28 na 744 kiłamietry pierahona Minsk-Uschodni — Ściapianka adbyłosia źmianšeńnie izalacyjnaj adlehłaści pamiž kantaktnaj sietkaj pad napruhaj i kanstrukcyjaj aŭtamabilnaha mosta na Radyjalnaj u Minsku. Adbyłosia heta ŭ vyniku intensiŭnaha ŭtvareńnia naledzi na kanstrukcyjach mosta, paviedamlaje pres-słužba Biełaruskaj čyhunki.
Śledstvam hetaha stali pieryjadyčnyja adklučeńni kantaktnaj sietki pieršaha hałoŭnaha puci ŭčastka Minsk-Pasažyrski — Ściapianka, jakija vyklikali zboi ŭ ruchu pasažyrskich ciahnikoŭ.
U pryvatnaści, sa spaźnieńniem śledavali ciahniki mižnarodnych linij №134 Minsk — Archanhielsk, №808 Vilnia — Minsk; ciahnik mižrehijanalnych linij №652 Brest — Minsk, a taksama 7 ciahnikoŭ haradskich linij na ŭčastku Minsk — stancyja Biełaruś i 10 ciahnikoŭ rehijanalnych linij na ŭčastkach Minsk — Maładziečna — Hudahaj, Minsk — Orša i Minsk — Baranavičy. Akramia taho, byli admieniena 2 ciahniki haradskich linij na ŭčastku Minsk — Biełaruś.
Ruch ciahnikoŭ pa hrafiku byŭ adnoŭleny ŭ hetyja ž sutki ŭ 19.23.
