Ci moža sałamiany bryl uratavać u maroz VIDEA
Prahrama «Viaskoŭcy» nie zabaŭlajecca na staličnaj tusoŭcy. Jaje viadoŭca Viktar Šukiełovič hetym razam trapiŭ na paroh da narodnaha majstra Uładzimira Cichanoŭskaha, jaki zajmajecca placieńniem z sałomy. Spadar Uładzimir pachodzić z-pad Mścisłava, ale ŭžo kala 50 hadoŭ žyvie ŭ vioscy Račeń Lubanskaha rajonu.
Majstar raspavioŭ Viktaru pra historyju svajoj siamji: jahony baćka pachodziŭ sa šlachty, a maci była ź sialanaŭ, tamu nie ŭsie baćkavy rodzičy prychilna pastavilisia da jaho šlubu, ale, jak kažuć, — «sercu nie prykažaš». Praŭda, spadar Uładzimir z časoŭ dziacinstva najbolš uzhadvaje svaju babulu Łukierju, pry jakoj byŭ «jak chvościk». Mienavita babula navučyła małoha Uładzimira pleści rečy z sałomy i pieradała jamu viedańnie starych piesień. Niekatoryja z hetych piesień majstar nie moža śpiavać bieź ślozaŭ.
Viadoŭca taksama vyśviatlaŭ u Račeni, ci moža sałamiany bryl uratavać u maroz; što raniej rabili, kab chutčej pryjšła viasna; jakaja viaskovaja «terapija» dapamahaje spadaru Uładzimiru lepiej pačuvacca; jak možna pravieryć, ci našaja vybrańnica abo vybrańnik nas sapraŭdy kachaje?
Spadar Uładzimir adznačyŭ taksama, što vielmi lubić biełaruskuju movu i starajecca jaje ŭsialak papularyzavać na imprezach, jakija jon viadzie. Na padstavie svajho dośviedu majstar skłaŭ navat vieršavany tvor: «Zaśpiavaŭ ja na viasielli pieśniu maci, niejki chlust mnie kaža: možiet chvatit?» Jakoje zakančeńnie maje tvor i što spadar Uładzimir kaža pra sapraŭdnaje kachańnie — hladzicie ŭ «Viaskoŭcach» ź Viktaram Šukiełovičam.
