Top-10 navin pa padrychtoŭcy da Dnia Voli — 2018
Pavieł Biełavus u svaim fejsbuku skłaŭ top-10 navin pa padrychtoŭcy 100-hodździa BNR.
1. Vyznačany hienieralny partnior 25 sakavika — Śviata Niezaležnaści — Minsk, płošča la Teatra opiery. Im stała biełaruskaja infarmacyjnaja kampanija BiełaPAN! Dziakuj Aleś Lipaj za padtrymku!
2. Praz Talaka.by - Kropka zboru nieabyjakavych ludziej prajekt pa hodnamu adznačeńniu 100-hodździa Biełaruskaj Narodnaj Respubliki ahułam užo padtrymała 800 čałaviek. A suma dasiahnuła 29 780 rubloŭ.
Padtrymać prajekt, i takim čynam nabyć simvaličny kvitok na «Śviata Niezaležnaści» 25 sakavika i zaprašeńnie na ŭračysty pryjom 24 sakavika, možna tut.
3. Akramia hienieralnaha sponsara ŭ Śviata źjaviłasia niekalki aficyjnych sponsaraŭ. Heta Cieślary, Quvalda — hulniavaja prastora i kvest Narnija, Svaje.bieł: biełaruskamoŭnyja biznesy i pasłuhi i Moj modny kut.
Dla ŭsich astatnich kamiercyjnych kampanij zastałosia tolki dzień na toje, kab dałučycca da sponsaraŭ imprezy i vašyja łahatypy źjavilisia na ŭsioj vizualnaj pradukcyi Śviata. Padrabiaznaja infarmacyja pra ŭmovy tut.
4. 13 sakavika (aŭtorak) a 11.00 u parku Janki Kupały ŭ Minsku adbyłosia ŭračystaje adkryćcio miemaryjalnaj doški ŭ honar bratoŭ Łuckievičaŭ.
5. Z 15 sakavika da 7 traŭnia dziejničaje vystava «1918: BNR — Ideja. Kraj. Dziaržava» ŭ Nacyjanalnym histaryčny muziej Biełausi (vuł. Karła Marksa, 12).
6. Pa vynikach siońniašniaj sustrečy z pradstaŭnikami HUUS i Minharvykankama: bieł-čyrvona-biełyja ściahi i simvoliku z hierbam «Pahonia» ŭ miežach śviatkavańnia 25 sakavika vykarystoŭvać možna biez usialakich abmiežavańniaŭ. Nam paabiacali, što nijakich nastupstvaŭ dla ludziej nie budzie.
7. 25 sakavika Śviata na placoŭcy la Opiernaha teatra pačniecca a 13.00. Padrabiaznaja prahrama, afiša, płan terytoryi i raźmiaščeńnie roznych aktyŭnaściaŭ BNR 100 — Ahulnanacyjanalnaja Kampanija apublikuje ŭ sieradu (ci čaćvier) na hetym tydni!
8. Źjaviłasia proma-pradukcyja: płakaty, nalepki, paštoŭki, znački. Uziać hetuju pradukcyju dla siabie dy siabroŭ užo možna ŭ Art Siadziba i symbal.by štodzionna z 10.00 da 20.00 na praśpiekcie Mašerava, 18. U bližejšyja dni na www.bnr100.by źjavicca śpis kropak raspaŭsiudu hetaj pradukcyi pa Biełarusi.
Kali vy chočacie stać adnoj z takich kropak, to treba albo zapošnić hetuju formu: https://goo.gl/pHtV3n, albo dasłać zapyt na [email protected], albo damovicca z Alesiem Śnieham pryvatna.
9. 20 sakavika ŭ kulturnym centry «KORPUS» adbudziecca Śpieŭny schod — Biełaruskija pieśni i himny da 100-hodździa BNR (pačatak a 19-j hadzinie, uvachod volny), jaki stanie repietycyjaj vialikaha Śpieŭnaha schodu, jaki praviadzie Siarhiej Doŭhušaŭ 25 sakavika na «Śviacie Niezaležnaści».
Vučym usie «My vyjdziem ščylnymi radami», «Mahutny Boža», «Pahoniu», kab 25-ha sakavika śpiavać razam.
Płanujucca na scenie i vakoł jaje vialikija ekrany, dzie budzie tranślavacca kancert i vyvodzicca ŭ časie Śpieŭnaha schodu słovy biełaruskich nacyjanalnych himnaŭ, kab sapraŭdy ŭsie śpiavali razam.
10. Nahadvaju, što ŭ fejsbuku źjavilisia ramki #BNR100, jakimi vy možacie ŭpryhožyć vašyja avatarki. Treba pierajści pa spasyłcy i praz pošuk pa słovu «Belarus» vybrać ramku: https://www.facebook.com/profilepicframes
Poŭny i aktualny śpis mierapryjemstvaŭ sakavika, prymierkavanych da 100-hodździa BNR, možna znajści tut: https://symbal.by/prahrama-bnr-100/
