U Minsku pačałosia śviatkavańnie 100-hodździa abviaščeńnia BNR: pastavili pamiatny kamień u honar bratoŭ Łuckievičaŭ FOTY
U staličnym parku imia Janki Kupały 13 sakavika adbyłosia aficyjnaje adkryćcio pamiatnaha kamnia u honar ajcoŭ biełaruskaha nacyjanalnaha ruchu pačatku XX st. bratoŭ Antona i Ivana Łuckievičaŭ. Finansavaŭ prajekt i ustanoŭku Minharvykankam.
Inicyjatyva ŭźnikła jašče piać hadoŭ tamu, kali svajačka Łuckievičaŭ Marharyta Piarova, što žyvie ŭ Pieciarburhu, ad imia naščadkaŭ rodu źviarnułasia da Ministerstva kultury i da Minharvykankama. Adnak sprava tady zaciahnułasia na niekalki hadoŭ.
U śniežni 2017 hoda Piarovaj byŭ padadzieny aficyjny zvarot užo pavodle patrebnaha ŭzoru. U svaju čarhu MZS Biełarusi źviarnuŭsia da Minharvykankama z prośbaj znajści hrošy na ŭstanoŭku pamiatnaha kamienia. Padtrymali ideju deputaty Pałaty pradstaŭnikoŭ i ZBS «Baćkaŭščyna».
