Pieršakurśnica ź Viciebska zahinuła ŭ DTZ va Ukrainie
golos.ua
Hetuju infarmacyju BIEŁTA paćvierdziŭ namieśnik načalnika ŭpraŭleńnia infarmacyi i ličbavaj dypłamatyi MZS Andrej Šuplak.
Aŭtamabilnaja avaryja adbyłasia ranicaj 9 sakavika na darozie Žytomir — Padolsk. U vyniku incydentu z udziełam aŭtamabila Volkswagen Passat z numarami minskaha rehijona paciarpieŭ jahony kiroŭca 1979 hoda naradžeńnia, a adna z pasažyrak — viciabčanka 1999 hoda naradžeńnia — pamierła. Mužčyna z traŭmami byŭ dastaŭleny ŭ rajonnuju balnicu Vińnicy, ciapier znachodzicca ŭ reanimacyi.
Pavodle papiarednich dadzienych, u mašynie było jašče dźvie 18-hadovyja pasažyrki. Adnak jakaja-niebudź infarmacyja pra ich adsutničaje, pakolki jany nie atrymali surjoznych traŭmaŭ i, admoviŭšysia ad špitalizacyi, pakinuli miesca zdareńnia.
Dziaŭčyna vučyłasia na pieršym kursie Viciebskaha dziaržaŭnaha technałahičnaha univiersiteta. Jana zachaplałasia hadavańniem sabak i nakiroŭvałasia na śpiecyjalizavanuju mižnarodnuju vystavu žyvioł u Małdovu.
