Novyja detali terakta ŭ centry Kijeva: SBU ŭdałosia pastavić videakantrol prosta ŭ mašynu, u jakoj pieravozili zbroju VIDEA
Kiraŭnik Słužby biaśpieki Ukrainy Vasil Hrycak u piatnicu pravioŭ bryfinh, pryśviečany zatrymańniu kiraŭnika hramadskaj arhanizacyi «Aficerski korpus» Uładzimira Rubana.
Raniej paviedamlałasia ab zatrymańni Rubana ź vialikaj kolkaściu zbroi na linii sudakranańnia z akupavanymi Rasijaj terytoryjami Danbasa. Kiraŭnika «Aficerskaha korpusa» spačatku dastavili ŭ SIZA Maryupala, a zatym u sud. Ukrainski vałancior Mirasłaŭ Haj źviazaŭ Rubana z FSB Rasii. Pavodle jaho słoŭ, zatrymany ŭkaraniaŭ va Ukrainu ahientaŭ rasijskich śpiecsłužb pad vyhladam pałonnych.
Taksama paviedamlajecca, što Ruban braŭ udzieł u arhanizacyi terarystyčnaha aktu, jaki pavinien byŭ pasiejać chaos, što paciahnuła b vychad ludziej na vulicy, pieravod armii z Danbasa ŭ stalicu.
Na bryfinhu Hrycak pakazaŭ apieratyŭnaje videa, na jakim schavanaj kamieraj źniataja zahruzka zbroi ŭ mikraaŭtobus Rubana i jaho niepasrednaje zatrymańnie.
