Za zabojstva i spaleńnie baćki minčuku dali 18 hadoŭ
Sudovaja kalehija pa kryminalnych spravach Minskaha haradskoha suda vyniesła prysud mužčynu, jaki zabiŭ baćku, a zatym za horadam spaliŭ jaho trup, paviedamiła BiełTA pamočnik staršyni Minharsuda Anastasija Šylvian.
Mužčyna pryznany vinavatym u zabojstvie, učynienym z asablivaj žorstkaściu. Jon pryhavorany da 18 hadoŭ z adbyvańniem pakarańnia ŭ kałonii asablivaha režymu.
Abhareły trup mužčyny znajšli 25 červienia na poli kala čyhunki. Vypadkovy minak źviarnuŭ uvahu na vohnišča ŭ biaźludnym miescy. Padyšoŭ bližej, zaŭvažyŭ abharełyja čałaviečyja reštki. Vyśvietliłasia, što złačynstva ździejśniŭ 30-hadovy syn zahinułaha.
Baćka žyŭ ź siamjoj syna ŭ adnoj kvatery. Častyja roznahałośsi adbyvalisia z-za złoŭžyvańnia baćkam śpirtnym. Čarhovy kanflikt, jaki zdaryŭsia ŭ noč na 25 červienia, pieraros u bojku. U vyniku syn zabiŭ baćku, a trup vyviez za miežy Minska i spaliŭ.
