U Makiedonii tysiačy vyjšli na pratest suprać sastupak Hrecyi pra nazvu krainy
Niekalki tysiač makiedoncaŭ znoŭ sabralisia ŭ Skopje, kab vykazać pratest suprać pahadnieńnia z Hrecyjaj, što moža pryvieści da źmieny nazvy krainy.
Pra heta paviedamlaje The Guardian.
Svoj niadzielny mitynh pratestoŭcy, jakija abvinavačvajuć urad i hałoŭnuju apazicyjnuju partyju ŭ zdradzie nacyjanalnym intaresam, pačali kala statui Alaksandra Makiedonskaha na hałoŭnaj płoščy horada Skopje.
«My sabralisia tut, bo my pavinny zaniać svaju pazicyju pa pytańni nazvy, identyčnaści, Kanstytucyi i movy», — zajavili arhanizatary schodu.
Paviedamlajecca, što pratestoŭcy zapatrabavali, kab premjer-ministr krainy Zoran Zajeŭ spyniŭ pieramovy z Hrecyjaj pa rašeńni sprečki z nahody nazvy.
Jany taksama chočuć rezalucyju AAN, jakaja patrabavała pryznańnia za krainaj jaje nazvy Makiedonija.