Pradstaŭniki Forbes: My ŭražanyja zadumami Łukašenki, jany paraŭnalnyja z reformami Li Kuan Ju ŭ Sinhapury
Sajt dev.by apublikavaŭ mierkavańnie redakcyjnaha dyrektara Forbes (Finlandyja), eks-redaktara Forbes (ZŠA) Toma Posta i vydaŭca Forbes Latvia, Estonia, Finland Arkadzia Štejmansa, u jakim sustrakajecca šmat cikavych cytat. Pradstaŭniki biźnies-vydańnia z suśvietnym imiem ździŭleny maštabam tych reformaŭ, jakija, na ich pohlad, adbyvajucca ŭ Biełarusi.
«My ździŭlenyja kalibram reformaŭ, jakija zadumaŭ ŭ apošnija hady prezident Łukašenka. Śmiełaść, ambitnaść pryniatych rašeńniaŭ pa libieralizacyi kryptavalut, stvareńni svabodnaj zony Vialiki kamień, pašyreńnie prefierencyj u PVT — paraŭnalnyja, napeŭna, tolki z reformami Li Kuan Ju u Sinhapury».
U apošni dzień vizitu pradstaŭniki Forbes poŭnaściu źmianili mierkavańnie ab pradprymalnickaj kultury i patencyjale krainy.
«Akazałasia, što pryrodnaja ścipłaść lidaraŭ mierkavańniaŭ ŭ Minsku i asimietryčnaść infarmacyi ab pradprymalnickich dasiahnieńniach u Biełarusi skaziła ŭsprymańnie biźnies-klimatu», — adznačyli Tom Post i Arkadź Štejmans.
Žurnalisty Forbes ličać, što Biełaruś staić napiaredadni ekanamičnaha ryŭka, jak «azijackija tyhry» ŭ 90-ja.
«Hety ruch, my ŭpeŭnienyja, daść multyplikacyjny efiekt — i dazvolić PVT patroić abarot da $ 3—4 młrd ŭžo ŭ bližejšyja niekalki hadoŭ. Viadomy ŭ Minsku advakat Dzianis Alejnikaŭ dvuma dniami raniej aceńvaŭ patencyjał Biełarusi na adnym uzroŭni ź Izrailem».
Adnak hałoŭnym «smarahdam» ekśpierty nazvali industryjalny park «Vialiki kamień».
«Vialiki kamień» — heta stratehičny bilet dla vašaj krainy. Jon dapamoža pierabudavać vašy hałoŭnyja pramysłovyja pradpryjemstvy, nadać im inavacyjnaść i efiektyŭnaść, biez straty pracoŭnych miescaŭ — i tym samym ździejśnić biesprecedentny ekanamičny ryvok.