Biełaruskaja čyhunka pryznačyła dadatkovyja ciahniki na doŭhija sakavickija vychodnyja

Biełaruskaja čyhunka pryznačyła na sakavickija śviaty dadatkovyja ciahniki pa krainie.

Dadatkovyja ciahniki mižrehijanalnych linij źviažuć Minsk z abłasnymi centrami, a taksama bujnymi haradami. Usiaho z 7 pa 12 sakavika pryznačana 26 ciahnikoŭ. Značnaja častka ź ich adpravicca 7 sakavika ŭ druhoj pałovie dnia.

Na 7 sakavika pryznačanyja dadatkovyja ciahniki złučeńniem Minsk-Brest, Minsk-Homiel, Minsk-Viciebsk, Minsk-Pinsk, Brest-Minsk, Viciebsk-Minsk, Homiel-Minsk, Homiel-Mahiloŭ. 8 sakavika adpraviacca ciahniki Minsk-Homiel, Pinsk-Minsk, Brest-Minsk, Homiel-Minsk, 11 sakavika - Homiel-Minsk, Kamunary-Minsk, Minsk-Homiel, 12 sakavika - Homiel-Minsk.

0

0

0

0

0

0