Švied raić usim pry kupli kvatery pravodzić psichałahičnuju ekśpiertyzu haspadara
Časta paśla bujnych ździełak, u asnoŭnym kupli-prodažu kvatery, z boku pradaŭca źjaŭlajucca svajaki, hatovyja asprečyć zakonnaść ździełki. Staršynia Dziaržaŭnaha kamiteta sudovych ekśpiertyz Andrej Švied u efiry internet-telebačańnia «SB» raspavioŭ, jak možna minimizavać imaviernaść uźniknieńnia padobnych prablem.
«Zychodziačy z žyćciovaha vopytu, padobnyja bujnyja ździełki biełarusy ździajśniajuć zusim nie časta. Tamu ŭ padobnych vypadkach było b metazhodna pravieści psichołaha-psichałahičnuju ekśpiertyzu pradaŭca. My ich robim, pryčym košt pracedury adnosna nievysoki — krychu bolš za 300 rubloŭ. Naturalna, što heta niesupastaŭna z koštam kvatery i finansavymi ryzykami, ad jakich zdolnaja abaranić padobnaja ekśpiertyza», - raspavioŭ staršynia Dziaržaŭnaha kamiteta sudovych ekśpiertyz.
Asabliva ŭvažliva, na dumku ekśpierta, varta stavicca da ździełkach, dzie fihurujuć pažyłyja ludzi albo hramadzianie ź psichičnymi zachvorvańniami. Vysokaja vierahodnaść, što źjaviacca svajaki i pasprabujuć asprečyć zakonnaść ździełki.
«Čałaviek byŭ upeŭnieny, što jon zakonny ŭładalnik nabytaj kvatery, a ŭ vyniku moža zastacca i biez žylla, i biez hrošaj. Tamu varta pierastrachavacca i pravieści ekśpiertyzu», - padsumavaŭ Andrej Švied.
