Ludzi prastajali 6 sutak na marozie, a syšli ni z čym: UKB pieradumaŭ pradavać tannyja kvatery ŭ Navinkach
U piatnicu znakamity UKB Centralnaha rajona prapanavaŭ usim achvotnym dźvie dvuchpakajovyja kvatery ŭ nie mienš znakamitaj novabudoŭli pa vuł. Vyhockaha z koštam «kvadrata» $780. Abiedźvie «dvuški» ahulnaj płoščaj 63,8 kv.m na 2-m i 3-m pavierchach dastalisia b pakupnikam za $50 tys. Ale siońnia dekłaracyja była admieniena, a ludzi, jakija prastajała 6 sutak na marozie, syšli dadomu ni z čym.
Zajavu na kuplu kvater pavinny byli prymać 1 sakavika, ale ŭžo 23 lutaha, u dzień vychadu dekłaracyi, kala UKB pryparkavalisia pakupniki: dźvie maładyja žančyny, jakija mianialisia sa svajakami i siabrami. Siońnia jany patelefanavali ŭ redakcyju Realt.by i paviedamili, što prajektnaja dekłaracyja admieniena.
Płaniroŭka kvater
— Pieršyja «łastaŭki» dalacieli da nas jašče ŭčora ranicaj. U nas była pieraźmienka, i my vyjšli z mašyny. Padyšoŭ mužčyna (nie pacikavilisia jaho pasadaj) i skazaŭ: «Kali vy budziecie voś tak toŭpicca (nas było čaćviora), my admienim dekłaracyju». Ja kažu: «My zaraz zojdziem u mašynu, jaki natoŭp?» — «Nu, ja vas papiaredziŭ». Praź niekatory čas vyjšła pakuryć supracoŭnica inviestycyjnaha adździeła i skazała: «Vy tut darma staicie. My admianiajem dekłaracyju». Ale my nie źjazdžali, čakali aficyjnaj infarmacyi. Dumali: niaŭžo tak moža być? Nu, karaciej, admianili. Siońnia vyjšła maleńkaja natatka z 4 radkoŭ u «Źviaździe», praktyčna na palach. I nam jašče hadzinu daviałosia chadzić pa horadzie, kab jaje kupić, bo jana nie ŭ kožnym kijosku pradajecca. Vielmi kryŭdna, 6 sutak na marozie, arhanizavali ŭsich siabroŭ, mianiali adzin adnaho… A jany prosta admianili dekłaracyju rosčyrkam piara, biez tłumačeńnia pryčyn — robiać, što chočuć.
U adździele žyllovaha budaŭnictva žurnalistam Realt.by paćvierdzili, što ŭ siońniašniaj haziecie «Źviazda» vyjšła infarmacyja ab admienie prajektnaj dekłaracyi. Ale pa kamientar pra pryčyny takoha rašeńnia adpravili ŭ pryjomnuju. U pryjomnuju žurnalisty telefanavali nieadnarazova i praciahvajem datelefanoŭvacca, ale na našy zvanki nichto nie adkazvaje. Redakcyja adkryta dla kamientaroŭ z boku UKB Centralnaha rajona i hatova ich adrazu apublikavać.
Tak pradavali papiaredniuju partyju kvater
Nahadajem, papiaredniuju partyju tannych kvater u novabudoŭli na Vyhockaha UKB pradaŭ taksama nie biez skandału: tady 69 žyłych pamiaškańniaŭ u domie pa vuł. Vyhockaha byli vystaŭlenyja na prodaž pa $780 za kvadrat. U dzień prodažaŭ na ich pretendavała bolš za sotniu čałaviek, ale ŭsie 69 varyjantaŭ skončylisia na 34-m pakupniku. Čatyry dni vakoł hetaj historyi hrymieŭ skandał, a na piaty, pa šmatlikich prośbach dolščykaŭ, u UKB Centralnaha rajona zavitaŭ ABEZ, ab vynikach pravierki jakoha da hetaha času nie paviedamlajecca.
