Za 15 dzion dziejańnia novych praviłaŭ maderacyi kolkaść kamientaŭ vyrasła na 5%, prahledžanych staronak — na 5,5%
Ad 8 lutaha na sajcie NN.by zapracavali novyja praviły kamientavańnia. Heta byŭ asensavany krok Redakcyi — my ŭpeŭnienyja, što pavyšeńnie kultury dyskusii — patreba času i važny krok dla pašyreńnia supolnaści.
Adzin z udzielnikaŭ «Kłuba redaktaraŭ» na BT vykazaŭ dumku, što takoje novaŭviadzieńnie ŭdaryć pa «Našaj Nivie» — maŭlaŭ, šmat chto zachodziŭ na sajty mienavita ŭ pošukach brydkich kamientaroŭ.
Adnak heta absalutna niapravilnaje razumieńnie biełaruskaj aŭdytoryi, bolšaja častka jakoj — vychavanyja ludzi, jakija ŭmiejuć dumać i majuć uzvažanaje mierkavańnie. Brud u kamientarach pieraškadžaje im.
Statystyka pakazvaje, što kolkaść napisanych na sajcie kamientaroŭ za minułyja tydni vyrasła.
Za pieryjad z 8 da 22 lutaha pad artykułami na NN.by było pryniata (biez uliku vydalenych) 17257 kamientaŭ. Dla paraŭnańnia, z 24 studzienia da 7 lutaha nami było pryniata 16459 kamientaŭ.
My budziem žorstka maderavać kamientary i nadalej. Nahadajem, što my ciapier nie prosta vydalajem maciuki i paskudstvy, ale režam i prosta brud i chiejtarstva. Jak bačycie, heta nie źmienšyła pluralizm mierkavańniaŭ na sajcie i zrabiła našy abmierkavańni bolš pryvabnymi dla asnoŭnaj masy čytačoŭ.
Adznačym, što za hetyja 15 dzion proci papiarednich vyrasła i kolkaść naviednikaŭ sajta (z 293 tysiač da 297 tysiač), i kolkaść prahledžanych staronak (z 3,78 młn da 3,99 młn).
Čitajtie takžie: «Naša Niva» mianiaje palityku maderacyi kamientaroŭ
