Łukašenka daŭ orden Skaryny rusafiłu Traćciakovu — redaktaru vydańnia «Litovskij Kuŕjer'»
«Za šmathadovuju plonnuju pracu, značny asabisty ŭkład va ŭmacavańnie kulturnych i duchoŭnych suviaziaŭ Biełarusi i Litvy, mižnarodnaje supracoŭnictva ŭ śfiery infarmacyi i druku ŭznaharodzić hałoŭnaha redaktara haziety «Litoŭski kurjer» zakrytaha akcyjaniernaha tavarystva «ŁK Maśśmiedyja» Traćciakova Valeryja Artamonaviča ordenam Francyska Skaryny», — taki ŭkaz, padpisany Alaksandram Łukašenkam źjaviŭsia na Nacyjanalnym pravavym partale.
Chto taki Valeryj Traćciakoŭ i jakim resursam jon kiruje?
Fota sputniknews.lt
Sajt «Litovskij Kuŕjer'» — adzin z samych papularnych ruskamoŭnych sajtaŭ u Litvie.
Admietnaść hetaha resursa ŭ tym, što redaktary razbaŭlajuć naviny mierkavańniami, jakija padtrymlivajuć tezisy rasijskaj prapahandy: u Jeŭropie — «kryzis», Litva — palihon dla palityčnych manipulacyj inšych, ZŠA — kiepski i słaby sajuźnik, litoŭskaje hramadstva — «raskołataje», zachodnija ŚMI — «pramyvajuć mazhi», zachop Litvy SSSR — heta nie akupacyja i hd.
Partniorskimi resursami na sajcie «Litoŭskaha kurjera», siarod inšych, značycca i «Rehnum».
Hety ž Valeryj Traćciakoŭ raniej atrymlivaŭ miedal Puškina ad Uładzimira Pucina.
«Mianie ŭznaharodzili mienavita za hetyja zasłuhi: za zachavańnie ruskaj movy, prasoŭvańnia rasijskaj kultury, za abjektyŭnyja materyjały pra litoŭska-rasijskija adnosiny, za maju kankretnuju rabotu, jakuju, jak ja liču, ja rablu ščyra», — tłumačyŭ jon uznaharodu ad Pucina litoŭskamu «Sputniku».