Hraboŭski — superstar
Biełaruski forvard «Taronta» vydaŭ fantastyčnuju hulniu ŭ vystavačnym matčy, dy byŭ pryznany druhoj zorkaj matču.
Biełaruski forvard «Taronta» vydaŭ fantastyčnuju hulniu ŭ vystavačnym matčy, dy byŭ pryznany druhoj zorkaj matču.
Minułaj nočču «Taronta Mejpł Liŭz», praŭda, prajhraŭ na svajoj placoŭcy «Kałambusu Błu Džekiets» — 4:5. Ale ŭ biełaruskich zaŭziataraŭ — śviata.
Biełaruski forvard «klanovych listoŭ» Michaił Hraboŭski vyznačyŭsia adnoj zakinutaj šajbaj i dvuma halavymi pieradačami.
Tym časam čempijanat Nacyjanalnaj chakiejnaj lihi ŭžo startavaŭ.Praŭda, čatyrma matčami ŭ Eŭropie. Pa dva matčy praviali «Ńju‑Jork Rejndžerz» z «Tampa‑Bej Łajntynh» dy «Atava Senatarz» z «Pitsburham Pinhvinz».
«Rejndžery» dvojčy ŭ Prazie vyjhrali ŭ «Tampy» ź likam 2:1. Ličycca, što matč adkryćcia rehularnaha sezonu NCHŁ prachodziŭ mienavita ŭ stalicy Čechii. Na O2 — Arenie sabralisia 17 tys. hledačoŭ, prysutničaŭ na matčy i premjer‑ministar krainy Mirek Tapałanek. Jon ža zrabiŭ i symbaličnaje ukidvańnie šajby.
A pieršaja šajba ŭ sezonie na rachunku švedzkaha forvarda «Rejndžerz» Markusa Nesłunda.
«Pitsburh» i «Atava» hulali ŭ Stakholmie i abmianialisia pieramohami. Napačatku «Pitsburh» vyjhraŭ 4:3. U druhim matčy pieramahli «senatary» — 3:1.
***
U Paŭnočnaj Amerycy sezon startuje 9 kastryčnika.
U baraćbu ustupiać 30 kamandaŭ dy čaćviora biełarusaŭ. Aproč zhadanaha Michaiła Hraboŭskaha «Taronta»), kolery «Manreala» buduć abaraniać braty Andrej i Siarhiej Kaścicyny, a «Kałarada» — Rusłan Salej.
«Taronta» pieršy matč praviadzie z «Detrojtam», «Manreal» — z «Bafała», «Kałarada» — z «Bostanam».
Chvarejem za našych!
Tyja ž biełarusy Taronta majuć mahčymaść padtrymać Hraboŭskaha ažno ŭ 41 chatnim pajadynku.
