Znajści
Ałharytmičny łacinski varyjant
19.02.2018 / 22:496RusŁacBieł

U Tokia pabudujuć draŭlany chmaračos

Japonskaja kampanija Sumitomo Forestry płanuje da 2041 hoda pabudavać samy vysoki ŭ śviecie draŭlany chmaračos. Jana choča takim čynam adznačyć 350-ju hadavinu svajho zasnavańnia.

Pavodle zajavy kampanii, jakaja źjaŭlajecca bujnym suśvietnym pastaŭščykom vysakajakasnaj draŭniny, u hetym budynku z prazaičnaj nazvaj W350 budzie 70 pavierchaŭ.

Tolki 10% jaho masy pryjdziecca na stalovyja kanstrukcyi, u budaŭnictvie budzie vykarystana 180 tysiač kubamietraŭ draŭniny. Buduć adabranyja tolki japonskija parody dreŭ.

Pa ŭsim pierymietry budynka praduhledžany bałkony, na jakich buduć raźviedzieny sady i haradskija aharody.

U budynku budzie kala vaśmi tysiač kvater. Stalovy karkas vyšynioj 350 mietraŭ budzie siejsmaŭstojlivym dziakujučy dyjahanalnym raściažkam.

U chmaračosie buduć raźmiaščacca taksama ŭstanovy, kramy i haścinicy.

Košt prajekta składzie kala 5,9 miljarda dalaraŭ, što prykładna ŭdvaja vyšej za košt budaŭnictva zvyčajnaha chmaračosa tych ža pamieraŭ.

Adnak kampanija Sumitomo zajaviła, što dziakujučy pastajannamu ŭdaskanaleńniu techniki i mietadaŭ budaŭnictva vydatki na hety prajekt źniziacca.

Pakul samym vysokim draŭlanym budynkam u śviecie źjaŭlajecca studencki internat u Vankuviery vyšynioj 53 mietry.

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031