Staličnaja milicyja zatrymała mužčynu, jaki pahražaŭ taksistu nažom
Milicyja z dapamohaj słužbovych sabak pa haračych śladach zatrymała mužčynu, jakoha padazrajuć u tym, što jon admoviŭsia płacić za pajezdku ŭ taksi i pačaŭ pahražać kiroŭcu nažom, paviedamlaje HUUS Minharvykankama.
Uviečary 14 lutaha niećviarozy 30-hadovy žychar Łošycy adpraviŭsia za zabavami ŭ mikrarajon Uručča. Kali taksist pryvioz mužčynu da miesca pryznačeńnia, toj admoviŭsia płacić i staŭ pahražać nažom. Kiroŭca nie razhubiŭsia, vychapiŭ nož i ŭciok u les.
Złamyśnik nie zmoh jaho dahnać, viarnuŭsia ŭ mašynu, dastaŭ sa svajoj sumki śpirtnoje, vypiŭ jašče i pasprabavaŭ schavacca ŭ lesie. Kiroŭca taksi tym časam patelefanavaŭ u milicyju pa śpiecyjalnaj linii «102» i paprasiŭ dapamohi.
Na miesca zdareńnia vybyła niekalki naradaŭ milicyi. Z dapamohaj słužbovych sabak pa haračych śladach i ŭdałosia zatrymać złamyśnika, jaki byŭ źmieščany ŭ IČU.
Zaviedziena kryminalnaja sprava pa č.3 art. 339 KK Biełarusi (Chulihanstva). Fihurantu pahražaje abmiežavańnie voli ad 3 da 5 hadoŭ abo pazbaŭleńnie voli na termin ad 3 da 10 hadoŭ.
