U Karelickim rajonie niepryšpilenaha kiroŭcu vykinuła z mašyny: chłopiec zahinuŭ

U Karelickim rajonie niepryšpilenaha kiroŭcu vykinuła ź pierakulenaj mašyny — chłopiec zahinuŭ, paviedamlaje UUS Hrodzienskaha abłvykankama.

Troje chłopcaŭ i dziaŭčyna adpačyvali ŭ bary. A treciaj hadzinie nočy jany pajechali ŭ haradski pasiołak Mir. Padčas śniehapadu kiroŭca dapuściŭ źjezd u levy kiuviet. Tam mašyna pierakuliłasia. Nichto z tych, chto znachodziŭsia ŭ sałonie «Piežo», nie byŭ pryšpileny. Kiroŭcu vykinuła z mašyny. Ad atrymanych traŭmaŭ 21-hadovy chłopiec pamior na miescy. Pavodle papiaredniaj infarmacyi, jon byŭ ćviarozy.

Paciarpieli taksama dva pasažyry. Chłopiec i dziaŭčyna z roznymi traŭmami špitalizavany.

0

0

0

0

0

0