Rasijskim vajskoŭcam zabaroniać karystacca smartfonami
Z 1 sakavika rasijskim vajskoŭcam zabaroniać karystacca smartfonami z fotakamierami i sistemami spadarožnikavaj navihacyi, paviedamlaje «Kamiersant».
U Hienštabie skłali śpis pryład, jakimi možna budzie karystacca vajskoŭcam. Heta prostyja knopkavyja telefony handlovych marak Nokia, TeXet, Alcatel i Samsung.
Takim čynam u armii majuć namier zmahacca z uciečkami infarmacyi.
Vajennaje viedamstva jak minimum z 2014 hoda maje šmat prablem z-za hetaha: tak, padčas aneksii Kryma vajskoŭcy rabili fotazdymki na abjektach, jakija naležali ŭkrainskaj armii.
Hetyja zdymki trapili ŭ internet i vykarystoŭvalisia ŭ jakaści dokazaŭ rasijskaj ahresii va Ukrainie.
Taksama, pa dadzienych haziety, Minabarony było niezadavolena fatahrafijami z bazy Chmiejmim ŭ Siryi, zroblenymi paśla minamiotnaha abstrełu.