Pavieł Jakubovič: My pravodzili infarmacyjnuju vajnu z Sałaŭjovym i Kisialovym
Były hałoŭny redaktar haziety «Sovietskaja Biełoruśsija» Pavieł Jakubovič daŭ intervju polskamu vydańniu «Rzeczpospolita», u jakim prahučała niekalki cikavych vykazvańniaŭ.
Jakubovič ličyć, što adsutnaść svabody słova ŭ Biełarusi — stereatyp, i ŭ jakaści dokazu svaim słovam jon pryvioŭ prykład dziejnaści u Biełarusi katalickaha «Radyjo Maryja» i amierykanskaha «Radyjo Svaboda».
Padčas intervju abmiarkoŭvalisia i kadravyja zamieny ŭ kiraŭnictvie bujniejšych biełaruskich ŚMI. Jakubovič ličyć svoj zychod zakanamiernym, tamu što «hazieta patrabuje maładoj kryvi». Ab kadravych zamienach u kiraŭnictvie biełaruskaha telebačańnia jon razmaŭlać nie zachacieŭ, ale adznačyŭ:
«Adnoj z najvažniejšych maich zadač była baraćba z naratyvam rasijskich telekanałaŭ, jaki ŭžyvaŭsia ŭ dačynieńni da Biełarusi. My pravodzili infarmacyjnuju vajnu z takimi asobami, jak Uładzimir Sałaŭjoŭ i Dźmitryj Kisialoŭ. I kanałam NTV. Niekatoryja rasijskija kanały pracujuć u mabilizacyjna-prapahandysckim styli. Słova «prapahandyst» maje prynižalnaje adcieńnie, ale ŭ hetaj sytuacyi jano vykarystoŭvajecca naležnym čynam. U mnohich materyjałach kanał staviŭsia ź niepavahaj da Biełarusi, tam prajaŭlaŭsia sindrom «starejšaha brata». Ja zmahaŭsia z hetym na staronkach našaj haziety. Byli navat idei zabaranić rasijskija telekanały, ale heta nie spadabałasia b ludziam».
