An-148 uzarvaŭsia nie ŭ pavietry
Reuters.com
Ruchaviki samalota pracavali až da sutyknieńnia ź ziamloj, raspaviała RBK krynica, znajomaja z chodam rasśledavańnia. Hetuju infarmacyju paćvierdziŭ surazmoŭca z MNS.
«Ruchaviki An-148 pracavali až da sutyknieńnia ź ziamloj, razbureńnie sudna adbyłosia ad udaru ab ziamlu», — adznačyŭ surazmoŭca. Na miescy była znojdziena varonka hłybinioj 2,5 mietra, dadała krynica. Pavodle jaje słoŭ, «ahlad ruchavika i elemientaŭ miechanizacyi kryła dazvalaje zrabić vysnovu, što samalot nie razburyŭsia ŭ pavietry».
Śledčyja razhladajuć usie mahčymyja viersii avijakatastrofy, paviedamiŭ raniej Śledčy kamitet. Krynica RBK, znajomaja z chodam rasśledavańnia, udakładniła, što taksama razhladajecca viersija teraktu. «Hetaja viersija naŭrad ci budzie pryjarytetnaj, bo ekśpierty-vybuchatechniki, jakija praviali ekspres-analiz častki abłomkaŭ samalota nie znajšli na ich mikračaścinki vybuchovaha rečyva», — adznačyła krynica.