U Homielskaj vobłaści złačyncy pierapisvali na siabie kvatery niamohłych i pamierłych
U Homieli zavieršana rasśledavańnie kryminalnaj spravy ab niezakonnych uhodach ź nieruchomaściu, paviedamlaje aficyjnaja pradstaŭnica USK pa Homielskaj vobłaści Maryja Kryvanohava.
Pa viersii śledstva, žychar Homiela 1973 hoda naradžeńnia raspracavaŭ miechanizm ździajśnieńnia kradziažoŭ majomaści i hrošaj pad vyhladam ździełak pamiž hramadzianami i ŭznačaliŭ arhanizavanuju hrupu.
U pieryjad z 2010 pa 2015 hady złačyncy znachodzili kvatery, dzie ich ŭłaśniki (najmalniki) pamierli i nie majuć spadčyńnikaŭ albo doŭha nie žyli ŭ ich, a taksama asob ź liku niepracujučych, jakija złoŭžyvajuć śpirtnymi napojami i majuć zapazyčanaści pa apłacie kamunalnych pasłuh. Złačyncy padmanam albo na roznych padstavach schilali ŭładalnikaŭ pradać svajo žyllo, abiacali nabyć žyllo mienšaj płoščy na vyhadnych umovach, ale zahadzia nie mieli namieru vykonvać uziatyja na siabie zabaviazańni.
Złačyncy padrablali nataryjalnyja dakumienty. Da prykładu, u 2012 hodzie abvinavačanyja zavałodali kvateraj pamierłaha hamielčuka, jakaja pavinna była pierajści va ŭłasnaść dziaržavy, dyj pradali jaje.
Usiaho vyjavili nie mienš za 16 niezakonnych ździełak ź nieruchomaściu — u Homieli, Homielskim, Vietkaŭskim i Buda-Kašaloŭskim rajonach. Ahulnaja škoda, naniesienaja złačynstvami, skłała 400 tysiač rubloŭ. Na momant zakančeńnia śledstva škodu pakryli praktyčna całkam.
U bližejšy čas pierad sudom paŭstanuć arhanizatar hrupy i dva jaho chaŭruśniki — mužčyna 1978 hoda naradžeńnia i žančyna 1971 hoda naradžeńnia. Jašče adna ŭdzielnica hrupy pamierła raniej i jašče adnaho abvinavačanaha ciapier vyšukvajuć.
