«Heta promaakcyja i truk»: pieršaja reakcyja Raskosmasu na zapusk Falcon Heavy
Vykanaŭčy dyrektar pa kamunikacyjach Raskosmasu Ihar Burankoŭ u efiry radyjostancyi «Echa Maskvy» nazvaŭ zapusk rakiety Falcon Heavy pryvatnaj kampanii SpaceX Iłana Maska paśpiachovaj promaakcyjaj i «vielmi dobrym trukam».
Burankoŭ pryznaŭ, što start Falcon Heavy, jak i lubaja inšaja paśpiachovaja misija, dapamahaje pašyryć «haryzonty kasmanaŭtyki». Adnak jon zajaviŭ, što Mask zapuściŭ rakietu ŭ raźliku na pryciahnieńnie inviestycyj.
Na dumku pradstaŭnika Raskosmasu, Mask adpraviŭ u kosmas asabisty sportkar Tesla višniovaha koleru dziela rekłamy. Burankoŭ upeŭnieny, što zasnavalnik kampanii-vytvorcy aŭtamabilaŭ zrabiŭ heta napiaredadni schodu akcyjanieraŭ.
Žurnalisty spytali Burankova, ci nie kryŭdzić jaho, što zapuski Raskosmasu pryciahvajuć našmat mienš uvahi, čym SpaceX. Jon patłumačyŭ, što ŭ rasijskaha kaśmičnaha ahienctva taksama jość dasiahnieńni, jakimi možna hanarycca.