Futbolny kłub «Hranit», jakim kiruje lehiendarnaja Maryna Bystraja, niečakana biełarusizavaŭsia FOTAFAKT
U honar 40-hodździa kłuba «Hranit» źmianiŭ emblemu na całkam biełaruskamoŭnuju.
Papiaredni i ciapierašni łahatyp kłuba.
Historyja ź biełarusizacyjaj «Hranita» pačałasia jašče ŭ 2016-m, kali juryst Ihar Słučak napisaŭ u kłub standartny zvarot z zaklikam vykarystoŭvać biełaruskuju movu, i šyroka abmiarkoŭvałasia. Najpierš tamu, što staršynia rady futbolnaha kłuba Maryna Bystraja ŭsialak hetamu supraciŭlałasia. Na jaje navat składali pratakoły za admovu adkazvać pa-biełarusku i adkazy nie pa temie zvarotu.
Treba skazać, što Bystraja ŭ vyniku pačała pierapisvacca sa Słučakam pa-biełarusku, ale ton jaje listoŭ nie źmianiŭsia.
«Vy vielmi rana zrabili dla siabie niejkija vysnovy, atrymaŭšy adkaz ad nas na biełaruskaj movie. Maje adkazy na biełaruskaj movie nie dajuć vam padstavy rabić svaje niedalokija vysnovy. Adkazvaju na biełaruskaj movie, dy i naohuł, adkazvaju vam, možna skazać, pierastupiŭšy praź siabie i tolki z hłybokaj pavahi da słužbovych asob dziaržaŭnych orhanaŭ, jakija Vy ŭ pramym sensie hetaha słova svaimi listami dastajacie i budziecie dastavać, kali ja vam nie adkažu na biełaruskaj movie», — pisała kiraŭnica «Hranita».
Paśla jana ŭvohule zabaraniła Słučaku dasyłać joj aficyjnyja zvaroty:
«Akcentuju vašu ŭvahu na toje, što hramadskaje abjadnańnie «Futbolny kłub «Hranit — Mikaševičy» nie źjaŭlajecca dziaržaŭnym orhanam, inšaj arhanizacyjaj, u jakuju vy majecie prava źviartacca ŭ adpaviednaści z patrabavańniami zakanadaŭstva ab zvarotach».
I ŭ rešcie rešt spyniła pierapisku:
«Naohuł, liču, što Vy złoŭžyvajecie pravam, a Vašy dziejańni ažyćciaŭlajucca vyklučna z namieram nanieści škodu inšaj asobie. Liču pierapisku na hetym spynienaj».
Uličvajučy pieradhistoryju, zamiena emblemy kłuba — vialiki i važny krok «Hranita» da biełaruskaści.
Oficialno!
V čiesť 40-letnieho jubileja kłuba v poniedielnik, 5 fievrala, rukovodstvom priniato riešienije o smienie łohotipa! S siezona 2018 hoda łohotip vyhladit tak.#fcgranit1978pic.twitter.com/3xPSacOaTv
