Da 2025 hoda Sierbija i Čarnahoryja mohuć stać siabrami ES
Jeŭrakamisija maje namier paskoryć pieramovy ab ustupleńni ŭ ES z krainami Zachodnich Bałkan. Było abvieščana ab metavaj finansavaj padtrymcy šaści krain, a taksama ab uzmacnieńni prajektaŭ ŭ šaści klučavych halinach — ad pabudovy pravavoj dziaržavy i mihracyi da šyrokapałosnaj suviazi, paviedamlaje DW.
Pakul najbolšyja šancy na mahčymaje ŭstupleńnie ŭ Jeŭrasajuz da 2025 hoda majuć Sierbija i Čarnahoryja, adnak astatnija čatyry dziaržavy - Bośnija i Hiercahavina, Makiedonija, Ałbanija i Kosava — jašče mohuć ich dahnać.
Makiedonija i Ałbanija taksama źjaŭlajucca aficyjnymi kandydatami, ale kankretnych pieramoŭ ź imi jašče nie viadziecca. Jeŭrakamisija vykazała hatoŭnaść padrychtavać rekamiendacyi dla pačatku pieramoŭnaha pracesu, jak tolki buduć Skopje i Tyrana vykanajuć nieabchodnyja ŭmovy.
Kosava i Bośnija i Hiercahavina majuć status «patencyjnych kandydataŭ».
Naziralniki bačać u novaj stratehii Jeŭrakamisii pa dałučeńni bałkanskich dziaržaŭ adkaz na sproby palityčnaha ŭpłyvu na krainy byłoj Juhasłavii z boku Rasii, a taksama ekanamičnuju aktyŭnaść Kitaja ŭ rehijonie, jakaja raście.
Dla pryjomu ŭ Jeŭrapiejski Sajuz novych siabraŭ nieabchodna adnahałosnaja padtrymka ciapierašnich dziaržaŭ ES. Adnak u mnohich ź ich nasielnictva vystupaje suprać dalejšaha pašyreńnia Jeŭrasajuza.
