Rasśledavańnie pa spravie hibieli radavoha Koržyča pajšło ŭhłyb
Terminy rasśledavańnia pa spravie hibieli radavoha Koržyča ŭ kastryčniku 2017 hoda praciahnuty, paviedamiŭ siońnia žurnalistam u Breście staršynia Śledčaha kamiteta Ivan Naskievič.
«U chodzie rasśledavańnia hetaj spravy byŭ vyjaŭleny šerah inšych faktaŭ niestatutnych uzajemaadnosin nie tolki ŭ hetym vajskovym padraździaleńni, ale i ŭ inšych čaściach. Maładyja vajskoŭcy i tyja, jakija adsłužyli peŭny termin, pačali davać pakazańni adnosna padziej hadavoj, dvuchhadovaj daŭniny, śćviardžajučy, što i jany źjaŭlalisia abjektami hvałtu z boku tavaryšaŭ pa słužbie. Dla taho kab dadatkova pravieryć usie fakty, jakija my majem u ciapierašni momant, spatrebiŭsia čas. My nie hatovyja ŭ najbližejšyja dni skončyć rasśledavańnie pa hetym spravie. Pryjšłosia padoŭžyć terminy rasśledavańnia dla taho, kab poŭna, abjektyŭna i ŭsiebakova daśledavać usie najaŭnyja ŭ nas zajavy i paviedamleńni ab učynienych złačynstvach», — adznačyŭ staršynia SK.
Jon padkreśliŭ, što hramadstva abaviazkova prainfarmujuć ab zakančeńni rasśledavańnia hetaj spravy.