Čałaviectva pieražyło padzieńnie hihanckaj kamiety
Navukoŭcy Čykahskaha univiersiteta ličać, što kala 13 tysiač hadoŭ tamu na Ziamlu ŭpała kamieta dyjamietram bolš za 100 kiłamietraŭ. Kaśmičnaje cieła raźbiłasia na frahmienty, jakija «bambardziravali» Paŭnočnuju i Paŭdniovuju Amieryku, zachad Jeŭropy i Azii. Heta vyklikała «asteroidnuju zimu», masavaje vymirańnie faŭny i vialikija lasnyja pažary, paviedamlaje The Journal of Geology.
U płaście lodu, jaki ŭtvaryŭsia ŭ poźnim dryjasie (zaviaršalny etap apošniaha abladnieńnia), vyjaŭlenyja anamalnaja kolkaść płaciny, što pakazvaje na toje, što hety elemient byŭ vykinuty ŭ atmaśfieru Ziamli ŭ vyniku katastrafičnaj padziei. U toj ža čas adbyŭsia rost kancentracyi soli i pyłu, što śviedčyć pra ŭzmacnieńnie viatroŭ z-za hłabalnaha źmianieńnia klimatu.
Taksama ŭ adkładach lodu vyjavili prykmiety hłabalnych lasnych pažaraŭ. Było vyjaŭlena pavieličeńnie kolkaści praduktaŭ hareńnia bijamasy — amoniju, aksidu azotu i acetatu. Płošča źniščanaj ahniom raślinnaści aceńvajecca ŭ 10 miljonaŭ kvadratnych kiłamietraŭ (9 adsotkaŭ usioj bijamasy Ziamli). U pryvatnaści, vyharała bolšaja častka chvajovych lasoŭ, na miescy jakich vyraśli tapoli.