Trolinh najvyšejšaha ŭzroŭniu: nieŭmiručaja impravizacyja Antona Uciuryna na temu fudbłohaŭ VIDEA
U internecie ŭspłyŭ i nabiraje papularnaść videatrolinh fudchanteraŭ abo ahladalnikaŭ ježy Kokobaj, jaki jašče hod tamu vykłaŭ Anton Uciuryn.
Zirnicie, jak jon apisvaje kavałak biełaha chleba: «Pa smaku — štości pamiž naračanskim chlebam i italjanskaj čyabataj».
ŚNIAŁ SVOJ PIERVYJ FUDBŁOH! POŽAŁUJSTA MAKSIMALNYJ RIEPOST! pic.twitter.com/BHUvr4XmkR
Kokobaj acaniŭ ironiju i apublikavaŭ videa ŭ svaim instahramie z prypiskaj: «Siońnia Anton adkaža na samaje papularnaje pytańnie siarod našych čytačoŭ: «Jak, jak ža stać prafiesijnym fudchanteram i nie śpicca?» Zapomnicie, palaŭničymi na ježu nie naradžajucca, imi stanoviacca. Rabi, što lubiš, i lubi, što robiš».
Videa ŭžo pahladzieli 19 tysiač čałaviek. Siońnia Kokobaj — chiba najbolš papularny anłajn-prajekt pra ježu, jaki rehularna daje spravazdačy pra smačnaść straŭ u minskich restaracyjach.
Anton — syn pieršaha namieśnika dziaržsakratara Rady biaśpieki Andreja Uciuryna, ciapier jon pracuje mieniedžaram prajektaŭ u kampanii Itransition. My niadaŭna pisali pra chłopca ŭ našym tradycyjnym ahladzie pra žyćcio i zaniatki dziaciej biełaruskich top-čynoŭnikaŭ.
A jak vy staviciesia da fudbłohieraŭ?