Navukoŭcy znajšli ŭ Hvatemale bolš za 60 tysiač pabudovaŭ cyvilizacyi majia
Navukoŭcy vyjavili ruiny bolš za 60 tysiač budynkaŭ cyvilizacyi majia, schavanych u džunhlach na poŭnačy Hvatemały, pišaNational Geographic.
Fota: National Geographic
Adkryćciu dapamahło vykarystańnie revalucyjnaj technałohii LiDAR — aptyčnaha łakatara, z dapamohaj jakoha jany ŭ ličbavym farmacie prybrali krony dreŭ z aerazdymki łandšaftu. U vyniku stali bačnyja ruiny budynkaŭ, uklučajučy damy, pałacy, darohi, terasy i składanyja sistemy abvadnieńnia. Usio heta jašče treba daśledavać.
«Bolšaść ludziej ličyli, što kolkaść nasielnictva [majia] składała kala 5 miljonaŭ, — kaža Francyska Estrada-Bieli, archieołah z Tulejnskaha ŭniviersiteta. — Z novymi dadzienymi možna niebiespadstaŭna mierkavać, što ich było ad 10 da 15 miljonaŭ čałaviek, pry hetym mnohija žyli ŭ nizinnych i bałocistych rajonach, jakija mnohija z nas raniej ličyli nieprydatnymi dla žyćcia».
