Minčanka budzie vieści novy siezon telešou «Aroł i reška» FOTY
Viadoŭcaj papularnaha ŭkrainskaha šou pra vandroŭki stanie minčanka Volha Ancipava.
Mikałaj Kartozija, hienieralny dyrektar telekanała «Piatnica» (jaki taksama pakazvaje šou), napisaŭ, što Volha skaryła jaho svajoj niepasrednaściu. Niahledziačy na adsutnaść dośviedu, jon abraŭ mienavita jaje.
«U Volhi niama nijakaha dośviedu viadoŭcy. Jana naradziłasia ŭ Abakanie, pracavała nastaŭnicaj pa hitary. Z sychodam Lesi Nikiciuk z «Arła i reški» źnikła śviataja niepasrednaść reakcyj. Kali ja prahladaŭ hetyja šeść ź niečym tysiač videarolikaŭ, ja ŭ tym liku šukaŭ dziaŭčynu… Nie, nie padobnuju na Lesiu, ale z toj ža stupieńniu ŭnutranaj svabody i prastatoj, jakaja padkuplaje. I ja jaje znajšoŭ. Volha była abranaja mnoj na vočny kastynh i paśpiachova jaho prajšła. U bližejšy čas jana projdzie navučańnie i debiutuje ŭ jakaści viadoŭcy ŭ finale novaha siezonu «Aroł i reška. Rasija»», — napisaŭ u instahramie hienieralny dyrektar telekanała «Piatnica».
Volzie 23 hady, siabie jana nazyvaje «niepryznanaj aktrysaj».
Na kastynh dziaŭčyna źniała ažno čatyry videa, kab užo dakładna ŭziali.
Pačała jana z raspoviadu pra Kupałaŭski:
Paśla zładziła karotkuju ekskursiju pa Zybickaj.
Zabrałasia na ahladnuju placoŭku Nacyjanalnaj biblijateki.
I źjeździła ŭ Mirski zamak:
