«Formuła-1» admoviłasia ad dziaŭčat-madelaŭ na startavaj placoŭcy
Pres-słužba «Formuły-1» zajaviła pra toje, što na mierapryjemstvy lihi bolš nie buduć zaprašać «hryd-hiorłz» — dziaŭčat-madelaŭ, jakija źjaŭlajucca na startavaj placoŭcy honki. Rašeńnie pačnie dziejničać ad 25 sakavika — padčas aŭstralijskaha hran-pry ŭ Mielburnie.
Kiraŭnik firmy «Formuła-1» Šon Bratčes (Sean Bratches) patłumačyŭ admovu ad tradycyi, jakaja zachoŭvałasia dziesiacihodździami tym, što jana «nie rezanuje z kaštoŭnaściami brenda i supiarečyć sučasnym sacyjalnym normam».
Hryd-hiorłz — dziaŭčaty, jakija na aŭtahonkach vyvodziać piłotaŭ na startavyja pazicyi, trymajuć nad udzielnikami spabornictvaŭ parasony ad sonca, uručajuć uznaharody dy i prosta ŭpryhožvajuć svaim vyhladam roznyja aŭtašou.
Historyja hryd-hiorłz pačałasia ŭ Japonii ŭ 1969 hodzie, kali tvaram naftavaj kampanii Cosmo Oil stała madel Rasa Ahava. Z tych časoŭ hryd-hiorłz u Japonii — aficyjnaja prafiesija, uklučanaja ŭ zakon ab zaniataści.
