Zarobak 1000 rubloŭ atrymlivaje tolki kožny piaty biełarus
Amal kožny dziasiaty pracujučy biełarus — 9,6% — zarablaje mienš za 300 rubloŭ u miesiac. Pry hetym kožny piaty rabotnik atrymlivaje bolš za 1000 rubloŭ. Heta vynikaje z dadzienych abśledavańnia arhanizacyj ab raźmierkavańni kolkaści rabotnikaŭ pa pamierach naličanaha zarobku za listapad 2017 hoda, paviedamlaje Tut.by.
U paraŭnańni z majem minułaha hoda kolkaść tych, chto zarablaje mienš za 300 rubloŭ, skaraciłasia (było - 10,4%), a tych, chto atrymlivaje bolš za 1000 rubloŭ, - vyrasła (było - 16,7%).
Pry hetym u listapadzie minułaha hoda zarobak da 500 rubloŭ atrymlivali 34,2% rabotnikaŭ (u mai — 37,4%). Zarobkam bolš za 2.000 rubloŭ u listapadzie 2017 hoda mahli pachvalicca 2,8% rabotnikaŭ (u traŭni - 2,2%).
Zarobki ŭ pramiežku ad 600,1 rubla da 800 rubloŭ atrymlivali ŭ listapadzie 20,2% rabotnikaŭ, ad 800,1 rubla da 1000 rubloŭ - 13,6%.
Nahadajem, miedyjanny zarobak (50% rabotnikaŭ majuć mienš hetaha značeńnia i 50% rabotnikaŭ - bolš) u Biełarusi ŭ listapadzie minułaha hoda skłała 635,4 rubla. Hetaja suma apynułasia na 24,1%, abo na 201,5 rubla mienš za siaredni zarobak pa krainie.
Nahadajem, siaredniaja zarabotnaja płata biełarusaŭ u listapadzie skłała 836,9 rubla. Heta na 4,1 rubla mienš, čym u kastryčniku. U pieraliku pa siarednieŭzvažanym kursie dalara za listapad jana skłała 419 dalaraŭ
