Ad sierady štraf za bieźbiletny prajezd stanie varyjatyŭnym — ad 0,5 bazavych da 1 bazavaj
Štraf za nieapłačany prajezd u staličnym hramadskim transparcie źmienicca z 31 studzienia. Pra heta ahienctvu «Minsk-Naviny» paviedamili ŭ HP «Minsktrans».
Źmieny ŭnosiacca na padstavie Zakona ad 08.01.2018 № 95-Z «Ab uniasieńni źmianieńniaŭ i dapaŭnieńniaŭ u Kodeks RB ab administracyjnych pravaparušeńniach i Pracesualna-vykanaŭčy kodeks RB ab administracyjnych pravaparušeńniach».
Bieźbiletny prajezd na ŭsich vidach haradskoha transpartu biez najaŭnaści dakumienta, jaki paćviardžaje prava na lhotny prajezd, budzie ciahnuć za saboj nakładańnie štrafu ad 0,5 da 1 bazavaj vieličyni. Da hetaha času hety štraf byŭ fiksavany i składaŭ 0,5 bazavaj vieličyni.
Tłumačeńni ab tym, ad čaho budzie zaležać suma štrafu (ad 12,25 da 24,5 rubla), pa słovach pradstaŭnikoŭ «Minsktransa», buduć dadzieny paźniej.
