Pieršaja častka biełaruskich alimpijcaŭ prybyła ŭ Pchiončchan i rychtuje štab kamandy
Pieršaja hrupa biełaruskaj alimpijskaj kamandy prybyła ŭ alimpijskuju viosku ŭ Pchienčchan, paviedamlaje BiełTA sa spasyłkaj na pres-słužbu Minsportu.
Jak raspavioŭ šef biełaruskaj misii, namieśnik ministra sportu i turyzmu Alaksandr Baraula, spartsmieny prylacieli ŭ Sieuł rejsam z Abu-Dabi, zatym Za try hadziny pierajechali na kamfartabielnym aŭtobusie ŭ Pchiončchan.
Fota Ministerstva sportu i turyzmu RB
«U Alimpijskaj vioscy ŭsio raźmieščana kampaktna i zručna. Sustrakajuć vietliva, dapamahajuć va ŭsim razabracca i zaryjentavacca», — padkreśliŭ Alaksandr Baraula. Jak adznačyli ŭ biełaruskaj delehacyi, umovy pražyvańnia lepšyja, čym u Rya-de-Žaniejra. Niama nieabchodnaści pryvodzić pakoi ŭ paradak, ŭsio padrychtavana svoječasova.
Zaraz u Pchiončchanie choładna i vietrana. «Pakul dajšli ad call-centra da svajho doma, a heta niejkich 300-400 mietraŭ, hruntoŭna aziabli. Na vulicy hradusaŭ 8-9 marozu, a pa adčuvańniach razy ŭ dva chaładniej», — dadaŭ jon. U bližejšyja dni biełarusy buduć ŭładkoŭvać štab delehacyi i miedycynski błok. Zaŭtra pavinny prajści aficyjnuju praceduru akredytacyi.
ChXIII zimovyja Alimpijskija hulni ŭ Pchiončchanie projduć z 9 pa 25 lutaha. Usiaho na Hulniach budzie razyhrana 102 kamplekty ŭznaharod u 7 vidach sportu pa 15 dyscyplinach. Biełaruś buduć pradstaŭlać 28 spartsmienaŭ, jakija vystupiać u 6 vidach sportu.
