«Nie rvucca, najlepšaj zamiežnaj humy». Biełaruskija preziervatyvy: sto hadoŭ tamu i ciapier
«Preziervatyvy. Mužčynskija, nie rvucca, najlepšaj zamiežnaj humy». Taki rekłamny błok časta sustrakaŭsia ŭ haziecie «Naša Niva» pačatku XX stahodździa, kali jaje redahavali Janka Kupała i Alaksandr Ułasaŭ.
A ŭ pačatku XXI stahodździa biełarusy stvaryli ŭłasny brend preziervatyvaŭ… Ale davajcie pa paradku.
Pałatnianyja miašečki i korań kałhana
«Vyrab №2», jak nazyvali kandomy ŭ SSSR, dzie humovym vyrabam «№1» byŭ supraćhaz, maje šmatviakovuju historyju. Praihnarujem śćvierdžańni, što pieršyja vyjavy preziervatyva sustrakajucca na ścienach piačor pieršabytnych ludziej. Choć ideja «čahości hetakaha» łunała ŭ pavietry i prychodziła ŭ roznyja hałavy ŭ roznych kropkach ziamnoha šara.
Aryhinalny sposab kantracepcyi zhadvajecca, naprykład, u dakumientach časoŭ Vialikaha Kniastva Litoŭskaha. Nibyta žančyna, kab nie zaciažaryć, pavinna padčas pałavoha aktu trymać u rocie korań kałhana (travy dubroŭki)… Efiekt nikoli nie pozna pravieryć na ŭłasnym dośviedzie.
A Jeŭropu ŭ tyja časy skałanali epidemii prancaŭ. I mienavita preziervatyŭ staŭ vyratavańniem. Pieršyja kliničnyja vyprabavańni jon prajšoŭ u Italii. Lekar Habryel Fałopij u 1564 hodzie apisaŭ vynajdzieny im ilniany miašečak, prasiaknuty lekami. Doktar vyprabavaŭ jaho na 1100 paddoślednych — i nivodzin nie zachvareŭ.
Kaŭčukavaja revalucyja
Da źjaŭleńnia kaŭčuku ludzi ekśpierymientavali z materyjałami: pałatno, vantroby žyvioł, rybin puchir (siamiejstvaŭ łasasiovych i asiatrovych). Pieršyja humovyja vyraby źjavilisia pad siaredzinu XIX stahodździa. Ich asnoŭnym plusam ličyłasia šmatrazovaść… Tyja pieršyja «humki» mieli švo — pa-inšamu nie dazvalała technałohija vyrabu.
Nie dziva, što adnačasova z kaŭčukam ludzi vykarystoŭvali i stary dobry rybin puchir. Pryčym, jak śviedčyć zhadanaja abjava ŭ «NN», vyraby z rybinaha puchira byli ŭdvaja daražejšyja. Pradavalisia preziervatyvy tuzinami, na zvykłyja siońnia drobnyja ŭpakoŭki pa 3 štuki prodki nie raźmieńvalisia.
0,04 milimietra
U pieršaj biełaruskaj hazecie, jak i ŭ inšych vilenskich vydańniach taho času, rekłama srodkaŭ zaściarohi źjaŭlałasia dziakujučy rekłamnym ahienctvam. Adno ź ich, kantoru Mietcela, uspaminaŭ zasnavalnik «NN» Anton Łuckievič: «Heta było hrandyjoznaje pradpryjemstva, jakoje arandavała dla raźmiaščeńnia hazietnych abjaŭ dziasiatki haziet i časopisaŭ, a moža i sotni…»
Ludvih Mietcel.
Ciapier tak pracujuć u internecie ahienctvy-miedyjasielery, vykuplajučy baniernyja miescy na sajtach pad kantekstnuju rekłamu.
Jašče bolšy ryvok za sto hadoŭ zrabili technałohii vytvorčaści preziervatyvaŭ. Byŭ vynajdzieny łateks, nadziejnaść praviaraje kampjutar.
Naŭrad ci doktar Fałopij pavieryŭ by: siońnia možna vyrablać ultratryvałyja preziervatyvy z taŭščynioj ścienki čatyry sotyja milimietra. Pryčym vyrablaje ich pieršy i adziny biełaruski brend INDIGO.
Jaho liniejka LUX, preziervatyvy ŭ kapsułach, užo źjaviłasia na palicach hipiermarkietaŭ i aptek. Istotny momant — kapsuły lohka adkryvajucca…
Inšyja sieryi INDIGO taksama daduć foru kankurentam. Vyraznyja, arhanična padabranyja kolery ŭpakoŭki INDIGO nie soramna kupić. Jość i niestandartny varyjant: upakoŭki ź miksam preziervatyvaŭ z roznymi ŭłaścivaściami.
Zamiest zvyčajnych upakovak pa 3, 12 i 18 štuk INDIGO źmiaščaje 5, 15 i 30 štuk. A cana — taja ž.
Dobraja nahoda kupić biełaruskaje, ci nie tak?
Materyjał padrychtavany z dapamohaj TDA «Farmin».