U 2017 hodzie ŭstalavany rekord pa kolkaści spampavanych mabilnych dadatkaŭ
Rynak mabilnych dadatkaŭ praciahvaje imkliva raści. Heta paćviardžaje statystyka, apublikavanaja kampanijaj App Annie. U čaćviortym kvartale 2017 hoda byŭ ustalavany histaryčny rekord: karystalniki Google Play zahruzili na svaje smartfony i płanšety bolš za 19 miljardaŭ hulniaŭ i prahram.
Jašče kala 8 miljardaŭ dadatkaŭ było spampavana karystalnikami App Store na mabilnyja pryłady ad kampanii Apple.
Razam heta składaje 27 miljardaŭ spampavanych mabilnych dadatkaŭ, što źjaŭlajecca rekordnaj kolkaściu ŭ historyi.
Niahledziačy na toje, što Google Play na 145% apieradžaje App Store pa kolkaści zahruzak, apošni ŭsio ž vyjhraje pa sumie hrošaj, sabranych z prodažaŭ płatnych dadatkaŭ: $11,5 miljardaŭ u App Store suprać $6 miljardaŭ u Google Play.
Najbolš papularnymi ŭ kramach abiedźviuch apieracyjnych sistem stali hulni, a taksama prahramy z raździełu «Finansy».