Hrodzienskija čyhunačniki narabili moŭnych pamyłak, ale ŭžo paśpieli ich vypravić
Hrodzienskija čyhunačniki zrabili niekalki istotnych moŭnych pamyłak u svaim raskładzie, paviedamlaje Hrodna.life. Naprykład, vyraz «bieśpieriesadočnoje soobŝienije» jany pierakłali jak «bieśpierasadačnaje paviedamleńnie».
«Pryjechaŭ na vakzał sustrakać ciahnik ź Minsku. Pakul čakaŭ, razhladaŭ tabło i baču — biazhłuździca. Doma zajšoŭ na sajt čyhunki i pakinuŭ elektronny zvarot. Dzion praz 10 pryjšoŭ adkaz, što ŭsio vypraŭlena», — raspavioŭ čytač Hrodna.life Vital Budźko pra dośvied kamunikacyj z čyhunačnikami. - Karaciej, małajcy! — chutka vypravili pamyłku».
Na Hrodzienskim čyhunačnym vakzale raskazali, što paśla piśmovaha zvarotu Vitala Budźko jany kansultavalisia sa śpiecyjalistami Centru daśledavańniaŭ biełaruskaj kultury movy i litaratury Nacyjanalnaj akademii navuk Biełarusi. Byli prapanavany try varyjanty pierakładu. Hrodzienskija čyhunačniki vybrali varyjant «bieśpierasadačnyja vahony».
Pytańnie «jak pravilna» pry pierakładzie z ruskaj na biełaruskuju ŭźnikaje dosyć časta. Asabliva — pry sprobie skalkavać ustojlivyja vyrazy ci aficyjnyja formuły. Čaściej za ŭsio pamyłki źjaŭlajucca praz vykarystańnie aŭtamatyčnaha pierakładu.
