Napad na hatel u Kabule: 18 zahinułych, siarod ich 9 ukraincaŭ
Palicyja Kabuła zajaviła, što ŭ vyniku terarystyčnaha napadu na hatel u stalicy Afhanistana zahinuli 9 hramadzian Ukrainy. Pra heta paviedamlaje VVS sa spasyłkaj na dadzienyja, atrymanyja ad miascovych pravaachoŭnikaŭ.
Akramia taho achviarami napadu stali 1 hramadzianin Hiermanii, 1 — Hrecyi, 1 — Kazachstana, 4 — Afhanistana. Hramadzianstva jašče dvuch zahinułych vyśviatlajecca.
Pra hibiel niekalkich svaich supracoŭnikaŭ paviedamiła taksama afhanskaja avijakampanija Kam Air.
Adznačajecca, što ahulnaja kolkaść zahinułych ciapier składaje 18 čałaviek. Troje z tych, chto napadaŭ na haścinicu byli zabityja padčas supraćstajańnia z afhanskimi vajskoŭcami.
10 čałaviek, siarod jakich čaćviora — hramadzianskija, atrymali ranieńni.
Kala 160 čałaviek uratavali z hatela padčas śpiecapieracyi.