Pa ŭsim śviecie prajšli žanočyja maršy: udzielniki, asnoŭnyja łozunhi ŭ FOTA
Na hetych vychodnych u mnohich krainach śvietu tysiačy žančyn i mužčyn vyjšli na vulicy, kab danieści svaje pohlady i nahadać ab pravach nieabaronienych hrup.
Heta ŭžo druhi padobny masavy mitynh. Pieršy adbyŭsia letaś stychijna, paśla adnaho dopisu ŭ fejsbuku, kali na vybarach u ZŠA pieramoh Donald Tramp. Ludzi kazali «nie» jaho abrańniu, asudžali abraźlivyja vykazvańni ŭ bok žančyn, pohlady na aborty, imihracyju, ŁHBT i hetak dalej. Pačaŭsia mitynh u Vašynhtonie, ale nieŭzabavie da jaho dałučylisia inšyja amierykanskija, a taksama jeŭrapiejskija harady. Pratest pašyryŭsia i vyliŭsia ŭ žadańnie dać hołas nieabaronienym pradstaŭnikam hramadstva.
Akcyja atrymała nazvu «Žanočy marš», ale, biezumoŭna, hučać i mužčynskija hałasy.
Sioleta adnoj z asnoŭnych tem maršu staŭ praciah abmierkavańnia seksualnych damahańniaŭ, ruchu #MeToo. Pryčym mienavita jaho pazityŭnaj tendencyi: hołas žančyn staŭ bolš zaŭvažnym, i nie tolki ŭ miedyja. Aktyvisty taksama nahadvajuć pra važnaść hiendarnaj roŭnaści, prablemy z achovaj zdaroŭja i inšyja pytańni.
Najbolš aktyŭna maršy iduć u ZŠA, ale mitynhi adbyvajucca taksama ŭ Narviehii, Hrecyi, Francyi, Vialikabrytanii, Iraku, Nihieryi i mnohich inšych krainach.
Prapanujem padborku z fotazdymkami ŭdzielnikaŭ, łozunhami i płakatami maršaŭ.
«Tvar budučyni».
«Viartajem sabie našu ŭładu».
«Majo cieła — moj vybar».
«Patryjarchat dla chrenaŭ».
«Budučynia — žanočaha połu».
«Supraciŭlacca».
In honor of the #WomensMarch today #throwback when @ArianaGrande attended the Woman's March last year with her family and friends pic.twitter.com/1ZamOLWG6p
«Žanočyja pravy jość čałaviečyja pravy».
Might be my favorite sign from the #WomensMarch so far pic.twitter.com/WYZOxBCEMt
«Mužčyny! My pavinny być lepšymi».
