Twitter znajšoŭ niekalki tysiač novych akaŭntaŭ rasijskaj «fabryki trolaŭ»
Sacyjalnaja sietka Twitter vyjaviła šmatlikija kiravanyja z Rasii akaŭnty, ź jakich padčas prezidenckaj kampanii 2016 hoda raspaŭsiudžvałasia infarmacyja, nakiravanaja na manipulacyju hramadskaj dumkaj u ZŠA, paviedamlaje DW.
Zhodna z vynikami novaha daśledavańnia, kolkaść akaŭntaŭ, źviazanych z «Ahienctvam internet-daśledavańniaŭ» ź Pieciarburha, pavialičyłasia z 1062 da 3814, paviedamiŭ pradstaŭnik Twitter ŭviečary ŭ piatnicu, 19 studzienia. Ź ich było adpraŭlena kala 176 tysiač paviedamleńniaŭ. Pavodle jaho słoŭ, kampanija apavieścić pa elektronnaj pošcie kala 678 tysiač karystalnikaŭ Twitter, jakija abaniravali hetyja akaŭnty, pierasyłali dalej paviedamleńni, jakija pastupali ad ich, abo adznačali paviedamleńni knopkaj «mnie padabajecca».
Pa dadzienych kampanii, tvity, jakija rassyłalisia z hetych akaŭntaŭ, prytrymlivalisia, jak praviła, adnaho ŭzoru: nahniatać kanflikty pamiž palityčnymi i etničnymi hrupami ŭ ZŠA.
Akramia taho, Twitter vyjaviŭ novyja 13500 aŭtamatyčnyja akaŭnty, jakija vykarystoŭvalisia dla bolš šyrokaha raspaŭsiudžvańnia infarmacyi. Ahułam kampanija naličyła kala 50 tysiač takich botaŭ.